ដំបូងគេគឺ Apple បន្ទាប់មក Microsoft ហើយឥឡូវនេះគឺ Google :)
Posted on Wednesday, October 5, 2011
|
No Comments
Google បានបើកហាងចែកចាយលក់ដំបូងគេរបស់ខ្លួននៅទីក្រុងឡុងដ៏កាលពី ថ្ងៃទី ៣០ ខែកញ្ញាកន្លងទៅនេះ។ នៅខណៈដែល “Chrome Zone” ជាហាងមួយក្នុងហាងមួយផ្សេងទៀតនៅ Tottenham Court Road PC Worldក៏ដោយ វានៅតែជាហាងដំបូងគេរបស់ក្រុមហ៊ុន ហើយក្រុមហ៊ុនមានគម្រោងបើកហាងជាច្រើនទៀតផងដែរ។
យោងតាមសេចក្តីរាយការណ៍មួយពីសារព័ត៌មាន London Evening Standard បាន ប្រាប់ឱ្យដឹងថាការបើកហាងតូចសាកល្បងនេះគឺជាសញ្ញាមួយឈានទៅ ដល់ជោគជ័យធំសំរាប់ការបើកហាងធំៗផ្សេងទៀត។ លោក Arvind Desikan ជានាយកផ្នែកទីផ្សារអ្នកប្រើប្រាស់របស់ក្រុមហ៊ុន Google ប្រចាំនៅចក្រភពអង់គ្លេសមានបាននិយាយថាៈ
“នេះ ជាហាងតូចមួយដំបូងគេរបស់យើង ហើយវាក៏ជាជំហានដំបូងគេរបស់យើងផងដែរ។ នេះគឺជារឿងមួយដែលក្រុមហ៊ុន Google នឹងធ្វើការបន្តទៅទៀត និងដើម្បីប្រមើលទីផ្សារណាខ្លះដែលអាចគ្រប់គ្រងក្តោបក្តាប់បន្ថែម ទៀត។”
លោកក៏បាន បន្ថែមទៀតថា យោងតាមការសិក្សាស្រាវជ្រាវមួយបង្ហាញថាតួលេខកុំព្យូទ័រ Laptop ប្រហែលជា 80 ភាគរយត្រូវបាគេលក់នៅតាមហាងតូចៗ ហេតុដូចនេះហើយទើបក្រុមហ៊ុន Google បើកហាងតូចមួយនេះសំរាប់សាកល្បងលក់កុំព្យូទ័រ Chromebooks របស់ខ្លួន ព្រោះគេគិតថាវាជាទីកន្លែងដ៏សក្តិសមបំផុត។
“យើង យល់ឃើញថាវាជារឿងគួរអស់សំនើចមួយដែរ នៅពេលដែលមនុស្សម្នាបានសាកល្បង និងលេងជាមួយផលិតផលថ្មីដែលធ្វើឱ្យគេភ្ញាក់ផ្អើលដូចជាកុំព្យូទ័រ Chromebook អញ្ចឹងដែរ។ រាលអតិថិជនទាំងអស់អាចចូលមើល និងសាកល្បងជាមួយផលិតផលទាំងអស់បានគ្រប់គ្នា ហើយយើងចង់ដឹងអំពីថាតើគាត់មានអារម្មណ៍ និងយល់យ៉ាងណាចំពោះផលិតផលរបស់យើង ដោយយើងនឹងតាមដានរាល់សកម្មភាពនិងការឆ្លើយតបរបស់គាត់។”
