Toshiba ដាក់បង្ហាញទូរទស្សន៍ 3D ដោយមិនប្រើវ៉ែនតា និងមានភាពច្បាស់រហូតដល់ 3,840 x 2,160 ភីចសែល
Posted on Tuesday, October 4, 2011
|
No Comments
Tana
កាលពី សប្តាហ៍មុនក្រុមហ៊ុន Toshiba បានដាក់បង្ហាញទូរទស្សន៍ 4K TV ដែលជាទូរទស្សន៍ដ៏គួរឱ្យចាប់អារម្មណ៍មួយ។ ប៉ុន្តែនៅថ្ងៃនេះក្រុមហ៊ុនដដែលនេះបានដាក់បង្ហាញទូរទស្សន៍ LCD ទំហំ 55 អ៊ីញរបស់ខ្លួនដែលមានភាពច្បាស់ដូចគ្នានឹងទូរទស្សន៍មុនដែរគឺ 3,840 x 2,160 ភីចសែល ដែលច្បាស់ជាង HD ដល់ទៅបួនដង ប៉ុន្តែវាអាចបង្ហាញរូបភាព 3D (3 Dimensions) បានដោយមិនចាំបាច់ពាក់វ៉ែនតាឡើយ។ ទូរទស្សន៍នេះនឹងត្រូវគេដាក់តាំងនៅឯការតាំងពិពណ៍ CREATEC 2011 នៅប្រទេសជប៉ុននាថ្ងៃស្អែកនេះ។ គួរបញ្ជាក់ដែរថា REGZA 55X3 [JP] គឺជាទូរទស្សន៍ដំបូងគេសំរាប់ប្រភេទដូចគ្នានេះ ទាស់ត្រង់ថានៅពេលដែលយើងប្រើមុខងារ 3D ភាពច្បាស់របស់វាបានតែ 1,280 x 720 ភីចសែលតែប៉ុណ្ណោះ។ ចំពោះលក្ខណៈពិសេសផ្សេងទៀតរបស់ទូរទស្សន៍នេះគឺ៖
- Contrast Ratio 5,000:1
- មាន LED backlight
- processor ស៊េរីថ្មីម៉ូដែល “REGZA Engine CEVO Duo”
- មានលក្ខណៈពិសេសអាចធ្វើឱ្យរូបភាព 3D ច្បាស់ល្អ
- មាន REGZA LINK
- មាន Digital Tuner ចំនួន 5
- មាន Speaker 10W x 2ch + 10W
- មានឌុយដោត HDMI ចំនួន 4
- និង ឌុយដោត USB ចំនួន 2
ក្រុមហ៊ុន Toshiba មានគម្រោងចាប់ផ្តើមលក់ទូរទស្សន៍នៅប្រទេសជប៉ុននាខែធ្នូចុងឆ្នាំនេះក្នុងតំលៃ $11,730 ។
